ຖືວ່າເປັນກາດຈໍທີ່ມີຂ່າວຫຼູດອອກມາແບບບໍ່ຢຸດຢັ້ງກັນເລີຍກັບກາດຈໍລຸ່ນໃໝ່ GTX 1180 ຈາກ nVIDIA ທີ່ໃຊ້ສະຖາປັດຕະຍະກຳ Turing ເຊິ່ງຄາດວ່າຈະໄດ້ເຫັນກັນໃນຊ່ວງເດືອນມີນາ ກັບ ເມສາ ແຕ່ກໍ່ງຽບ ແລະ ຈາກງານຂອງເດືອນທີ່ແລ້ວກໍ່ເປັນພຽງກັນເປີດໂຕລຸ່ນສຳລັບ ກຣາຟິກມືອາຊີບ ແລະ ທີ່ເປັນ Embeded ເທົ່ານັ້ນ.

ເຊິ່ງຂ່າວຫຼ້າສູດຈາກ GPU Wccftech ບອກເຖິງໂຄງສ້າງທີ່ຄ້າຍກັບ GTX 1080 Ti ຈະແຕກຕ່າງໄປນ້ອຍໜຶ່ງ ເຊັ່ນສະຖາປັດຕະຍະກຳ 3584:224:64 (GPU Cores:Texture Mapping Units:Render Outputs) ເມື່ອທຽບກັບ GTX1080 (256:160:64) ແລະ GTX1080 Ti (3584:224:88) ໂດຍໃຊ້ບັສໜ່ວຍຄວາມຈຳຢູ່ທີ່ 256 ບິດ ສ່ວນ GTX1080 Ti ຈະໃຊ້ 352 ບິດ ທີ່ຍັງຄົງຄວາມເປັນກາດຈໍລຸ່ນທັອບ ແລະ ຍອດນິຍົມຄືເກົ່າ.

ສະເປັກຂອງ GTX 1180 ອາດຈະດ້ອຍກວ່າ GTX 1080 Ti ແຕ່ທີ່ໜ້າສົນໃຈກໍ່ຄື ການທີ່ nVIDIA ຈະນຳ GDDR6 ມາໃຊ້ສຳລັບກາດຈໍໄຮເອນລຸ່ນໃໝ່ນີ້ ເພື່ອຊ່ວຍໃຫ້ການຖ່າຍໂອນຂໍ້ມູນໄດ້ໄວຂື້ນ ແລະ ມີຂະໜາດທີ່ໃຫຍ່ກວ່າເກົ່າ, ອາດເລີ່ມຕົ້ນຈາກ 8GB ໄປຈົນຮອດ 16GB. ຢ່າງທີ່ເຮົາຮູ້ກັນຄື GTX1080 Ti ທີ່ໃຊ້ GDDR5x ໃຫ້ແບນວິດໄດ້ສູງເຖິງ 11Gbps ແຕ່ສຳລັບ GDDR6 ສາມາດຂື້ນໄປຮອດ 14Gbps ເລີຍ ກັບແບນວິດທີ່ສູງຂື້ນ 1.27 ເທົ່າ ແລະ ໃຫ້ແບນວິດທີ່ສູງກວ່າ 1.45 ເທົ່າຕໍ່ IC, ໂດຍທີ່ GTX 1180 ໃຫ້ບັສແມມໂມຣີ່ (Memory bandwidth) 256 ບິດ ພ້ອມແຣມ 16Gbps ເຊິ່ງຫຼາຍກວ່າ GTX 1080 Ti (512GB/s ກັບ 484GB/s) ເຮັດໃຫ້ພໍກະໄດ້ວ່າ GTX 1180 ຈະໃຫ້ປະສິດທິພາບໄດ້ເໜຶອກວ່າ GTX 1080 ປະມານ 1.51 ແລະ ໄວກວ່າ GTX 1080 Ti ປະມານ 1.18 ເທົ່າ.

ສ່ວນໃນເລື່ອງຂອງລາຄາ ແມ່ນຍັງບໍ່ທັນເປັນທາງການເທື່ອ ເຊິ່ງຈະເຫັນໄດ້ວ່າມັນແພງຂື້ນຍ້ອນຕົວແຣມທີ່ເປັນແຣມ GDDR6 ແຕ່ແນ່ນອນວ່າຕ້ອງເປັນທີ່ນິຍົມກັນແນ່ນອນ.


ອ້າງອີງ notebookspec

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here