ຫຼັງຈາກທີ່ກ່ອນໜ້ານີ້ໃນວັນທີ່ 1 ເມສາ ໄດ້ມີຂ່າວການຫຼິ້ນຕົວະຕາມປະເພນີ April’s fool ຂອງ GTX 1180 Ti ອອກມາເຮັດໃຫ້ຫຼາຍໆຄົນນັ້ນຕົກໃຈກັນໄປແລ້ວຮອບໜຶ່ງ ແຕ່ຫຼ້າສຸດນັ້ນໄດ້ມີຂໍ້ມູນຂອງ GTX 1180 ອອກມາອີກຄັ້ງ ໂດຍໃນເທື່ອນີ້ນັ້ນໜ້າຈະເຊື່ອຖືໄດ້ກວ່າ. ໂດຍຂໍ້ມູນນັ້ນມີສ່ວນຂອງສະເປັກ ແລະ ປະສິດທິພາບການໃຊ້ງານທີ່ເວົ້າໄດ້ວ່າຍົວະນຳລາຍຂອງສາວົກໄດ້ດີອີຫຼີ.

ສຳລັບຂໍ້ມູນທີ່ຫຼູດອອກມານີ້ນັ້ນໄດ້ຮັບການເປີດເຜີຍຈາກ WCCFTech ໂດຍໄດ້ລະບຸເອົາໄວ້ວ່າຊິບກຣາຟິກ GTX 1180 ນັ້ນຈະມາພ້ອມກັບຂະບວນຜະລິດທີ່ລະດັບ 12 nm FinFET ເຊິ່ງຍັງບໍ່ເປັນທີ່ແນ່ນອນວ່າຈະໃຊ້ສະຖາປັດຕະຍະກຳໃດ ລະຫວ່າງ Turing ກັບ Ampere. ຢ່າງໃດກໍ່ຕາມຕົວຊິບນັ້ນຈະມີຂະໜາດຢູ່ທີ່ປະມານ 400 ຕາລາງມີລີແມັດ ເຊິ່ງຈະມາພ້ອມກັບ CUDA cores  ຈຳນວນ 3584 cores, 224TMUs ແລະ 64 ROPs ໃນຂະນະທີ່ຄວາມໄວສັນຍານໂມງນັ້ນຈະຢູ່ທີ່ 1.6 GHz ແລະ 1.8 GHz ເວລາ boost.

ໃນສ່ວນຂອງໜ່ວຍຄວາມຈຳນັ້ນຈະຍັງຕົງໃຊ້ interface ແບບ 256-bit ເຊັ່ນເດີມ ໂດຍຕາມທິດສະດີແລ້ວນັ້ນຈະມີແບນວິດຢູ່ທີ່ 512 GB/s ແລະ ຄວາມໄວໃນການສົ່ງຂໍ້ມູນທີ່ 16 Gbps ໂດຍຄາດວ່າໜ້າຈະໃຊ້ໜ່ວຍຄວາມຈຳແບບ GDDR6 ເຊິ່ງຈະມາພ້ອມກັບຂະໜາດ 8 – 16 GB, ມີອັດຕາການຄາຍຄວາມຮ້ອນຢູ່ທີ່ 170 – 200 W TDP.

ສຳລັບປະສິດທິພາບນັ້ນພົບວ່າ GTX 1180 ຈະມີຄວາມໄວສູງກວ່າ GTX 1080 ປະມານ 50% ແລະ ມີຄວາມໄວສູງກວ່າ Titan Xp ປະມານ 10% ສຳລັບການຫຼິ້ນເກມທີ່ຄວາມລະອຽດ 2560 x 1440 pixels ເວົ້າໄດ້ວ່າໜ້າສົນໃຈຫຼາຍເລີຍ. ໃນສ່ວນຂອງລາຄາກາງນັ້ນກໍ່ຈະຢູ່ທີ່ປະມານ $700 ເຊິ່ງຖ້າຂໍ້ມູນທັງໝົດນີ້ເປັນຄວາມຈິງນັ້ນ ເວົ້າໄດ້ເລີຍວ່າ GTX 1180 ໜ້າຈະໄດ້ຮັບຄວາມນິຍົມເພີ່ມຂື້ນອີກຢ່າງຫຼາຍເລີຍ.


ອ້າງອີງ notebookcheck, notebookspec

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here