ເມື່ອບໍ່ດົນມານີ້ທາງ ASUS ໄດ້ທຳການເປີດຕົວຈໍມໍນິເຕີສຳລັບການຫຼິ້ນເກມຄອນໂຊໂດຍສະເພາະອອກມາກັບຊື່ລຸ່ນວ່າ VG255H ເຊີ່ງເປັນຈໍຂະໜາດ 24.5 ນິ້ວ ຮອງຮັບຄວາມລະອຽດສູງສຸດທີ່ລະດັບ Full HD 1920 x 1080 pixels ເຊີ່ງໃນຄວາມຈີງແລ້ວນັ້ນສະເປັກກໍ່ບໍ່ໄດ້ສູງເທົ່າໃດ ແຕ່ທີ່ທາງ ASUS ເປີດຕົວໜ້າຈໍສຳລັບການຫຼິ້ນເກມກັບເຄື່ອງຄອນໂຊ (PS4, XBox) ໂດຍສະເພາະອອກມາເຊັ່ນນີ້ອາດຈະເປັນການຮອງຮັບນັກຫຼິ້ນເກມເທິງເຄື່ອງ PC ທີ່ເລີ່ມຫັນໄປລິ້ນເກມຄອນໂຊຫຼາຍຂື້ນເລື່ອຍໆ.

ສາເຫດໃຫຍ່ໆ ທີ່ນັກຫຼິ້ນເກມ PC ຫັນມາຫຼິ້ນເກມເທິງຄອນໂຊຫຼາຍຂື້ນນັ້ນກໍ່ເນື່ອງມາຈາກກຣາຟິກກາດສຳລັບການຫຼິ້ນເກມເທິງ PC ນັ້ນລາຄານັບມື້ນັບສູງຂື້ນຫຼາຍອັນເນື່ອງມາຈາກການຍາດຕະຫຼາດຂອງກຸ່ມນັກຂຸດເໝືອນ. ຢ່າງໃດກໍ່ຕາມສຳລັບ VG255H ນັ້ນຈະມາພ້ອມກັບພາເນວໜ້າຈໍແບບ TN ທີ່ມີ response time ຢູ່ທີ່ 1 ms ຮອງຮັບຄວາມຖີ່ສູງສຸດທີ່ 75 Hz ແລະ ຍັງມາພ້ອມກັບເຕັກໂນໂລຢີ GameFast Input ເຊີ່ງຈະຊ່ວຍປ້ອງກັນບັນຫາ input lag ນຳ.

ພອດການເຊື່ອມຕໍ່ຂອງໜ້າຈໍນັ້ນປະກອບໄປດ້ວຍ HDMI 1.4a ເຊີ່ງຮອງຮັບເຕັດໂນໂລຢີ FreeSync ຂອງທາງ AMD ແລະ ພອດ D-Sub, ແຕ່ນ່າເສຍດາຍທີ່ທາງ ASUS  ຍັງບໍ່ເຜີຍຂໍ້ມູນວັນວາງຈຳໜ່າຍ ແລະ ລາຄາຢ່າງເປັນທາງການຂອງໜ້າຈໍຕົວນີ້.

ที่มา : techpowerup, notebookspec

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here