ເຖິງແມ່ນວ່າທາງ Intel ຈະຍັງບໍ່ທຳການວາງຈຳໜ່າຍເຄື່ອງ NUC ທີ່ມາພ້ອມກັບຊິບເຊັດສະຖາປັດຕະຍະກຳ Hades Canyon ໃນໄວໆນີ້ (ໂດຍມີການຄາດການເອົາໄວ້ວ່າທາງ Intel ຈະວາງຈຳໜ່າຍໃນຊ່ວງປາຍເດືອນເມສານີ້) ດັງນັ້ນແລ້ວເຮົາກໍ່ຍັງບໍ່ສາມາດບອກໄດ້ວ່າປະສິດທິພາບໃນການຫຼິ້ນເກມຂອງຊິບກຣາຟິກ Radeon RX Vega M ທີ່ຖືກໃຊ້ງານເທິງອຸປະກອນດັ່ງກ່າວນັ້ນຈະເປັນເຊັ່ນໃດ. ແຕວ່າເມື່ອບໍ່ດົນມານີ້ທາງ AMD ໄດ້ເຜີຍຂໍ້ມູນຂອງກຣາຟິກ Radeon RX Vega M ເອົາໄວ້ແບບເປັນຕາສົນໃຈຫຼາຍ.

ຕາມທີ່ທາງ AMD ໄດ້ເຜີຍຂໍ້ມູນເອົາໄວ້ນັ້ນຊິບກຣາຟິກ Radeon RX Vega M ສ່ວນໃຫຍ່ຈະຖືກໃຊ້ງານເທິງເຄື່ອງຄອມພິວເຕີແບບ miniPC ຫຼາຍກວ່າ ໂດຍ Radeon RX Vega M ນັ້ນຈະມີປະສິດທິພາບທຽບເທົ່າໄດ້ກັບ GTX 1050 Ti ແລະ GTX 1060 Max-Q ເລີຍ, ແຕ່ວ່າຈາກຂໍ້ມູນທີ່ທາງ PC World ແລະ Tom’s Hardware ໄດ້ເຜີຍກ່ຽວກັບ Radeon RX Vega M ທີ່ຢູ່ເທິງໜ່ວຍປະມວນຜົນ Core i7-8809G ເຊິ່ງຢູ່ເທິງ Intel NUC ລຸ່ນໃໝ່ນັ້ນ ມີສະເປັກທີ່ແຕກຕ່າງອອກໄປຈາກ Radeon RX Vega ລຸ່ນທຳມະດາ.

ທາງ PC World ແລະ Tom’s Hardware ໄດ້ບອກເອົາໄວ້ວ່າ Radeon RX Vega M ນັ້ນມີສະເປັກໃກ້ຄຽງກັບຊິບກຣາຟິກສະຖາປັດຕະຍະກຳ Polaris ຫຼາຍກວ່າ Vega ໂດຍຂໍ້ມູນທີ່ໄດ້ຈາກໂປຣແກຣມຢ່າງ AIDA64 ແລະ HWiNFO ນັ້ນພົບວ່າ Radeon RX Vega M ຈະບໍ່ຮອງຮັບ DX 12.1, Next Generation Geometry (NGG), ຫຼື Rapid Packed Math (RPM) ເຊີ່ງທາງ Tom’s Hardware ຍັງໄດ້ບອກເອົາໄວ້ອີກວ່າເມື່ອທຳການທົດສອບດ້ວຍ Sandra FP16/FP32 ນັ້ນ Radeon RX Vega M ບໍ່ມີຄຸນສົມບັດທີ່ໄດ້ບອກໄປໃນຕອນຕົ້ນແນ່ນອນ ຫຼື ຖ້າມີກໍ່ຄົງຈະມີການປິດຄຸນສົມບັດດັ່ງກ່າວເອົາໄວ້ສຳລັບໜ່ວຍປະມວນຜົນສະຖາປັດຕະຍະກຳ Kaby Lake-G.

ທີ່ມາ : notebookcheck, notebookspec

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here