ສຳລັບ AMD ນັ້ນຕ້ອງບອກວ່າມີກຳໄລມາຈາດຫຼາຍຢ່າງຫຼາຍຜະລິດຕະພັນກັນເລີຍ ທັງຈາກເຄື່ອງຄອນໂຊແບບ Microsoft Xbox One ແລະ Sony Playstation 4 ລວມໄປເຖິງຜະລິດຕະພັນຫຼັກໆເຊັ່ນ ກາດຈໍຕະກູນ Radeon ທີ່ມີປະສິດຕິພາບຕໍ່ລາຄານັ້ນຄຸ້ມຄ່າ ລວມໄປເຖິງຄຸ້ມຄ່າຍິ່ງກວ່າໃນແງ່ຂອງການເອົາໄປຂຸດຫຼຽນ (ເອົາໄປກັນໝົດຕະຫຼາດເລີຍ ຜະລິດຈົນບໍ່ທັນ) ອີກທັງຊິບປະມວນຜົນຊີພີຢູຕະກູນ Ryzen ກໍ່ໃຫ້ປະສິດທິພາບການເຮັດວຽກທີ່ແຮງ ແລະ ສົມບູນຕໍ່ລາຄາຫຼາຍເຮັດໃຫ້ຫຼາຍຄົນເລືອກທີ່ຈະປະກອບພີຊີນັ້ນ ເລືອກມາໃຊ້ Ryzen ຢ່າງຫຼວງຫຼາຍ.

ຫຼ້າສຸດທາງ AMD ໄດ້ເຜີຍຜົນປະກອບການຊ່ວງໄຕມາດທີ່ 4 ຂອງປີ 2017 ລາຍໄດ້ລວມທີ່ 1,480 ລ້ານໂດລາ ເພີ່ມຂື້ນ 34% ຈາກຊ່ວງດຽວກັນໃນປີກ່ອນ ແລະ ມີກຳໄລ 61 ລ້ານໂດລາ ໂດຍທາງ CEO ຢ່າງ Dr. Lisa Su ໄດ້ເວົ້າເຖິງລາຍລວມຕະຫຼອດປີ 2017 ທີ່ຜ່ານມາ AMD ມີລາຍໄດ້ເພີ່ມມາທີ່ 25% ຈາກການປັບພອດໂຟລີໂອຜະລິດຕະພັນໃຫ້ເໝາະສົມກັບຕະຫຼາດ ແລະ ຄວາມຕ້ອງການ ເຮັດໃຫ້ຕະຫຼອດປິສາມາດເຮັດກຳໄລໄດ້, ເຊີ່ງໃນປີ 2018 ນີ້ຈະມີຜະລິດຕະພັນປະສິດທິພາບສູງອອກມາ ແລະ ເສີມໃຫ້ AMD ເປັນບໍລິສັດທາງເທັກໂນໂລຢີທີ່ມີການເຕີບໂຕໃນໄລຍະຍາວ ອີກທັງລາຍໄດ້ທີ່ເພີ່ມຂື້ນຈາກຍອດຂາຍທີ່ແຂງແກ່ນທັງສິນຄ້າຕະກູນ Radeon ແລະ Ryzen ໂດຍຖ້າພິຈາລະນາສະເພາະສິນຄ້າກຸ່ມກຣາຟິກນັ້ນລາຍໄດ້ເພີ່ມຂື້ນຮອດ 60% ເລີຍ.

ເວົ້າໄດ້ວ່າແວວຂອງປີ 2018 ຂອງ AMD ມາດີຢ່າງແນ່ນອນສຳລັບຝັ່ງຂອງກາດຈໍ Radeon ແລະ ຊີພີຢູ Ryzen ແລະ ໃນປີນີ້ກໍ່ຈະມີການເປີດໂຕລຸ່ນໃໝ່ໆອີກຫຼາຍ. ສ່ວນຝັ່ງໂມບາຍສຳລັບໂນດບຸກກໍ່ຄົງຕ້ອງຖ້າເບິ່ງກັນຕໍ່ໄປວ່າເຮັດໄດ້ດີສ່ຳໃດ ພໍທີ່ຈະສູ້ Intel + NVIDIA ຄືກັບຝັ່ງຂອງ Desktop ໄດ້ແນ່ຫຼືບໍ.


ອ້າງອີງ AMD / notebookspec

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here