ການມາຂອງໜ່ວຍເກັບຄວາມຈຳ SSD (Solid State Drive) ຖືວ່າໄດ້ເຂົ້າມາມີບົດບາດກັບການໃຊ້ງານຄອມພິວເຕີຂອງເຮົາຫຼາຍ, ຢ່າງທີ່ຮູ້ກັນວ່າເຖິງແມ່ນວ່າຄອມສະເປັກເຊັ່ນ ຊີພີຢູ, ກາດຈໍ, ແຣມ ຫຼື ອື່ນໆຈະແຮງສ່ຳໃດ ແຕ່ຖ້າຍັງໃຊ້ງານຮາດດິສແບບທຳມະດາຢູ່ຈັ່ງໃດມັນກໍ່ຍັງບໍ່ເຮັດໃຫ້ການໃຊ້ງານຄອມພິວເຕີເຄື່ອງນັ້ນຫຼື່ນໄຫຼໂດຍລວມໄດ້ແຕ່ຢ່າງໃດ, ຈຳເປັນຕ້ອງມີໜ່ວຍຄວາມຈຳ SSD ມາຊ່ວຍ.

ເຖິງແມ່ນວ່າໃນຕອນນີ້ SSD ມາດຕະຖານຄວາມໄວສູງໃໝ່ NVMe ທີ່ໄວກວ່າມາດຕະຖານເດີມແບບ mSATA ແຕ່ເນື່ອງຈາກລາຄານັ້ນຍັງແພງກວ່າຫຼາຍພໍສົມຄວນ ຈຶ່ງເຮັດໃຫ້ຄົນທີ່ເລີ່ມຕົ້ນຈະຫັ້ນມາໃຊ້ SSD ກໍ່ຈຳເປັນຕ້ອງໃຊ້ງານມາດຕະຖານ mSATA ຢູ່ຕໍ່ໄປ. ຢ່າງໃດກໍ່ຕາມລ່າສຸດນີ້ຜູ້ຜະລິດຊີພີຢູຊັ້ນນຳຢ່າງ Intel ກຽມນຳສະເໜີ SSD NVMe ລຸ່ນໃໝ່ເໝາະກັບຜູ້ໃຊ້ງານທົ່ງໄປ ທີ່ສາມາດເຮັດໃຫ້ລາຄາຖືກລົງມາທຽບຄຽງກັບ SSD mSATA ໄດ້ແລ້ວ ມນລຸ່ນ 760P Series

ສຳລັບ Intel SSD 760P Series ເລືອກໃຊ້ເປັນ Form Factor ແບບ M.2 2280 ໜ້າດຽວ ໂດຍໄດ້ຕິດຕັ້ງ NAND Flash ແບບ TLC 64-Layer 3D NAND ເຊີ່ງປະສິດທິພາບການເຮັດວຽກມີຄ່າ Sequential Read Speed ປະມານ 3.23GB/s ແລະ Sequential Write Speed ປະມານ 1.625GB/s ສ່ວນຄ່າ Random Read ແລະ Random Write ຈະຢູ່ທີ່ 340K IOPS ແລະ 275K IOPS ຕາມລຳດັບ. ສ່ວນອັດຕາການໃຊ້ພະລັງງານກໍ່ນ້ອຍຫຼາຍ ພຽງ 50mW ກັບໂໝດ Active ແລະ 25mW ເມື່ອຢູ່ໃນໂໝດ Idle ປິດທ້າຍກັບອາຍຸການໃຊ້ງານປະມານ 72TBW ຕໍ່ປີ ທີ່ຖືໄດ້ວ່າຍາວນານຫາຍຫ່ວງ

ແນ່ນອນວ່າລາຄານັ້ນ Intel ເນັ້ນໃຫ້ທຸກຄົນສາມາດຈັບຕ້ອງໄດ້ ອີກທັງເປັນການສ້າງມາດຕະຖານໃໝ່ໄປຍັງຜູ້ຜະລິດລາຍອື່ນໆ ໂດຍລາຄາສຳລັບຄວາມຈຸ 128GB ຢູ່ທີ່ $74 ຫຼື ປະມານ 6 ແສນກີບເທົ່ານັ້ນ. ສ່ວນຄວາມຈຸ 256GB ຈະຢູ່ທີ່ $109 ຫຼື ປະມານ 9 ແສນກີບ ແລະ 512GB ລາຄາ $199 ຫຼື 1 ລ້ານ 6 ແສນກີບ ເທົ່ານັ້ນ. ຖືວ່າເປັນລາຄາທີ່ຖືກກວ່າຕອນນີ້ພໍສົມຄວນ, ເຊີ່ງໃນອະນາຄົດ Intel ຈະນຳສະເໜີຄວາມຈຸ 1TB / 2TB ມາໃນຕະຫຼາດຕື່ມອີກ

ເວົ້າໄດ້ວ່າການມາຂອງ Intel SSD 760P Series ອາດຈະເປັນການສ້າງມາດຕະຖານໃໝ່ໃນການຫາຊື້ SSD ມາໃຊ້ງານຂອງເຮົາທັງຄອມພີຊີ ແລະ ໂນດບຸກ ທີ່ຈະສາມາດໃຊ້ງານໄດ້ແບບຫຼື່ນໆ ຕັ້ງແຕ່ເປີດເຄື່ອງກັນໄປເລີຍ.


ອ້າງອີງ  wccftech / notebookspec

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here