ໃນງານ Everyone Can Code ທີ່ມີຜູ້ເຂົ້າຮ່ວມກວ່າ 70 ສະຖາບັນທົ່ວເອີຣົບ, Tim Cook (ຊີອີໂອຂອງ Apple) ໄດ້ເວົ້າເຖີງປະເດັນໜຶ່ງທີ່ນ່າສົນໃຈຄື “ການໃຊ້ງານເຕັກໂນໂລຢີຫຼາຍເກີນໄປ” ຫຼື Overusing Technology ນັ້ນເອງ.

Cook ໃຫ້ສຳພາດວ່າ ເລື່ອງບາງຢ່າງກໍ່ບໍ່ສາມາດຮຽນຮູ້ໄດ້ຈາກເຕັກໂນໂລຢີສະໄໝໃໝ່ ແລະ ຫຼາຍໆຢ່າງກໍ່ບໍ່ຄວນນຳເຕັກໂນໂລຢີມາກ່ຽວຂ້ອງ “ຂ້ອຍບໍ່ໄດ້ເຫັນນຳກັບການພະຍາຍາມນຳເຕັກໂນໂລຢີມາໃຊ້ຕະຫຼອດເວລາ, ຂ້ອຍບໍ່ໄດ້ເຫັນດີນຳເລີຍຈັກໜ່ອຍ”.

ຈາກການສຳພາດຈະພົບວ່າ Apple ໃຫ້ຄວາມສຳຄັນກັບເດັກໃນຫ້ອງຮຽນ ເຊີ່ງຈະເຫັນໄດ້ວ່າ Apple ມີຄວາມພະຍາຍາມທີ່ຈະຫຼຸດບັນຫາການເສບຕິດສະມາດໂຟນໃຫ້ນ້ອຍລົງກວ່າເກົ່າ.

ໃນເດືອນມັງກອນນີ້ Apple ໄດ້ພະຍາຍາມວາງແຜນວ່າ ຜະລິດຕະພັນຄວນຈະຖືກໃຊ້ແບບໃດເພື່ອໃຫ້ສ້າງຜົນກະທົບທີ່ດີຕໍ່ກັບຜູ້ໃຊ້ງານລວມຮອດເດັກນັກຮຽນ ແລະ ໄດ້ສັນຍາວ່າ ການຄວບຄຸມໂດຍຜູ້ປົກຄອງ (parental control) ສຳລັບອຸປະກອນ iOS ຈະມີຄວາມຫຼາກຫຼາຍຂື້ນເພື່ອຕອບໂຈດດັ່ງກ່າວ.

ເຖີງແມ່ນວ່າ Cook ຈະບໍ່ມີລູກ ແຕ່ລາວກໍ່ຄອຍດູແລຫຼານຂອງລາວ ແລະ ກຳໜົດຂອບເຂດການໃຊ້ງານສະມາດໂຟນ, ໂດຍ Cook ໄດ້ກ່າວວ່າ “ຂ້ອຍບໍ່ຕ້ອງການໃຫ້ພວກເຂົາໃຊ້ງານເຄືອຄ່າຍສັງຄົມອອນໄລນ໌”.

ສ່ວນປະເດັນເລື່ອງການຂຽນໂຄ້ດ Cook ອອກຄວາມເຫັນວ່າ “ຂ້ອຍຄິດວ່າຫາກເຮົາຕ້ອງເລືອກລະຫວ່າງການຮຽນຮູ້ພາສາຕ່າງຊາດກັບການຂຽນໂຄ້ດ ຂ້ອຍຮູ້ວ່າອາດມີຄົນທີ່ເຫັນຕ່າງຈາກຂ້ອຍ ແຕ່ການຂຽນໂຄ້ດເປັນພາສາທີ່ສື່ສານໄດ້ທົ່ວໂລກ, ມັນເປັນຫົນທາງທີ່ທ່ານສາມາດສື່ສານກັບຄົນທັ້ງ 7 ພັນລ້ານຄົນເທິງໂລກໄດ້”.

ອ້າງອິງ macrumors /beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here