ເກມທີ່ອອກມາໃນທຸກມື້ນີ້ ບໍ່ແມ່ນມາຈາກສະເພາະຄ່າຍເກມໃຫຍ່ໆທີ່ເຮົາຮູ້ຈັກກັນດີເທົ່ານັ້ນ ແຕ່ຍັງມີມາຈາກທີມພັດທະນານ້ອຍໆທີ່ກຳລັງເຕີບໃຫຍ່ ແລະ ຮູບແບບການຫຼິ້ນທີ່ແຕກຕ່າງ ເຮັດໃຫ້ວົງການເກມມີຄວາມອິນດີ້ຂື້ນຫຼາຍເຕີບ. ເກມ Wizard of Legend ກໍ່ເປັນອີກເກມໜຶ່ງທີ່ເປີດລະດົມທືນຈາກເວັບ Kickstarter ແລະ ໄດ້ຮັບຄວາມສົນໃຈຈາກຜູ້ຫຼິ້ນຈົນຍອດບໍລິຈາກຮອດເປົ້າທີ່ກຳໜົດ ແລະ ໃນຕອນນີ້ທາງທີມພັດທະນາ Contingent99 ກໍ່ໄດ້ປະກາດມື້ວາງຈຳໜ່າຍເກມນີ້ ຢ່າງເປັນທາງການໃນວັນທີ່ 15 ພຶດສະພາ 2018 ນີ້ ເຊິ່ງຈະລົງໃຫ້ທັງ Playstation 4, Nintendo Switch, Xbox One ແລະ PC ແບບຄົບວົງຈອນເລີຍ.

Wizard of Legend ຈະມອບປະສົບການເປັນຈອມເວດໃຫ້ກັບຜູ້ຫຼິ້ນດ້ວຍຮູບແບບການຫຼິ້ນທີ່ໄວ ໄປພ້ອມກັບການລ່າຍເວດມົນຕ່າງໆໃນການເອົາສະນະ Trials ເຈົ້າແຫ່ງກະລີຍຸດ ແລະ ກາຍເປັນຈອມເວດໃນຕຳນານ.

ຮູບແບບການຫຼິ້ນຂອງເກມນີ້ຈະໃຫ້ຜູ້ຫຼິ້ນໄດ້ຮັບບົດບາດເປັນຈອມເວດເຂົ້າຕໍ່ສູ້ກັບເຫຼົ່າບັນດາລູກນ້ອງຂອງ Trials ເຈົ້າແຫ່ງກະລີຍຸດ ດ້ວຍການໃຊ້ເວດມົນຕາມທາດຕ່າງໆ ແຖມເກມນີ້ຍັງມີຄາຖາໃຫ້ຜູ້ຫຼິ້ນໄດ້ເລືອກຫຼິ້ນຫຼາຍກວ່າ 100 ຄາຖາ ຕາມຄວາມຖະນັດຂອງຕົວເອງ ແລະ ຈຸດເດັ່ນຂອງເກມນີ້ຄືການຕໍ່ສູ້ທຳຄອມໂບທີ່ໄວ ບໍ່ວ່າຈະເປັນການເຄື່ອນໄຫວ, ການໃຊ້ເວດມົນຕໍ່ສູ້ກັບສັດຕູ ແລະ ເມື່ອມີຜູ້ຫຼິ້ນທຳການປະສານທັງ 2 ຢ່າງເຂົ້ານຳກັນຈະຍິ່ງເຮັດໃຫ້ພະລັງທຳລາຍລ້າງທີຫຼາຍຂື້ນ. ນອກເໜືອຈາກນີ້ຍັງສາມາດຊວນໝູ່ເພື່ອນເຂົ້າມາຮ່ວມເປັນຈອມເວດໄດ້ອີກ ເຮັດໃຫ້ຄວາມມ່ວນຈະຍິ່ງເພີ່ມຂື້ນໄປອີກ.

ໃຜທີິ່ກຳລັງເບິ່ງຫາເກມທາງເລືອກໃນແນວໃໝ່, Wizard of Legend ຖືວ່າເປັນເກມທີ່ເປັນໜ້າສົນໃຈ ແລະ ໜ້າຈະມ່ວນບໍ່ແມ່ນນ້ອຍເລີຍ.


ອ້າງອີງ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here