ຍາມນີ້ເປັນຍາມທີ່ອາກາດຮ້ອນຫຼາຍ ແລະ ແນ່ນອນວ່າອາກາດຮ້ອນໆແບບນີ້ບໍ່ວ່າຈະໄປເຮັດວຽກ ຫຼື ໄປຮຽນກໍ່ຕາມ ກະຕ້ອງຫາວນອນ ຢາກນອນເປັນທຳມະດາ (ນອກເລື່ອງແລ້ວຕິ). ເອົາເປັນວ່າມື້ນີ້ແອັດມິນກໍ່ຈະມາແນະນຳ 5 ເກມທີ່ເປັນຕາຫຼິ້ນ ແລະ ຄິດວ່າຕ້ອງຕິດໃນກັນແນ່ນອນເລີຍມາຝາກໃຫ້ໝູ່ເພື່ອນທຸກຄົນກັນ ເຊິ່ງຈະມີເກມຫຍັງແດ່ກໍ່ໄປຕິດຕາມກັນໄດ້ເລີຍ.

Extinction

ແພຼດຟອມ: PS4, Xbox One, PC

Extinction ເປັນເກມແອັກຊັ່ນໃນມຸມມອງບຸກຄົນທີ່ສາມ ເຊິ່ງຕົວເກມຈະພາທ່ານໄປຮັບບົດເປັນນັກລ່າຂ້າຍັກທີ່ມີຊື່ວ່າ ອາວິນ ເຊິ່ງເປັນໜຶ່ງໃນກອງກຳລັງພິທັກກຸ່ມສຸດທ້າຍຂອງໂລກທີ່ມີທັກສະການສູ້ຮົບກັບເຫຼົ່າຣາເວນໄນຈຳນວນມະຫາສານທີ່ບຸກເຂົ້າມາແບບບໍ່ຢຸດຢັ້ງ ພາລະກິດຂອງທ່ານຄືການປົກປ້ອງມວນມະນຸດຈາກກອງທັບປີສາດກະຫາຍເລືອດຂະໜາດ 150 ຟຸດ ທີ່ຕ້ອງການທຳລາຍລ້າງມະນຸດ ເຊິ່ງທ່ານຈະຕ້ອງຄິດຫາກົນລະຍຸດຢ່າງໄວວາເພື່ອຮັບມືກັບຂ້າສຶກທີ່ບຸກມາທັງພື້ນດິນ ແລະ ອາກາດ, ໃຊ້ລະບົບການຕໍ່ສູ້ແບບໄດນາມິກທີ່ເນັ້ນສະກິວເປັນຫຼັກໃຫ້ເປັນປະໂຫຍດ ປົດອາວຸດ ແລະ ສະຫຼາຍຂະບວນທັບຂອງສັດຕູເພື່ອກຳຈັດພວກມັນໃຫ້ສິ້ນສາກ. ສຶກນີ້ບໍ່ແມ່ນສົງຄາມອີກຕໍ່ໄປ ແຕ່ມັນເປັນການກອດລ້າງ ແລະ ສະຕາກຳຂອງມວນມະນຸດກໍ່ຂື້ນຢູ່ກັບທ່ານແລ້ວ ວ່າຈະຢູ່ຫຼອດ ຫຼື ສູນພັນ.


Yakuza 6: The Song of Life

ແພຼດຟອມ: PS4

ຫຼັງຈາກທີ່ມີການເລື່ອນມາຫຼາຍຮອບ ຮອບນີ້ສຸດທ້າຍເກມ Yakuza 6: The Song of Life ກໍ່ເປີດຕົວໄປແລ້ວຮຽບຮ້ອຍ ໃນວັນທີ່ 17 ເມສາ ທີ່ຜ່ານມາ, ເຊິ່ງເກມນີ້ເປັນເກມແນວແອັກຊັ່ນຕັ້ງແກ້ງຢາກູຊ່າ ທີ່ມີການປັບປຸງ ແລະ ເພີ່ມລູກຫຼິ້ນອື່ນໆເຂົ້າມາຕື່ມ, ຊາວ PS4 ບໍ່ຄວນພາດ.


Nintendo Labo Robot Kit

ແພຼດຟອມ: Nintendo Switch

Nintendo Labo ເປັນເກມທີ່ຕ້ອງໃຊ້ຫຼິ້ນປະສົມປະສານລະຫວ່າງແຜ່ນເຈ້ຍ ແລະ ຕົວຈອຍ Joy Con ເຊິ່ງຖືກເອີ້ນວ່າ Toy-Con ໂດຍພາຍໃນເກມກໍ່ຈະມີເກມຍ່ອຍໆ ແຕກຕ່າງກັນໄປຕາມແຕ່ລະເຊັດ ເຊັ່ນ Nintendo Labo Robot ທີ່ຈະປະກອບອອກມາເປັນສ່ວນໜຶ່ງຂອງຫຸ່ນຍົນ ແລະ ໃຊ້ທ່າທາງຄືການໃສ່ຊຸດຢູ່.


God of War

ແພຼດຟອມ: PS4

ສຳລັບຄົນທີ່ມີເຄື່ອງ PS4 ເປັນຂອງຕົນເອງ God of War ຖືວ່າເປັນເກມໜຶ່ງທີ່ທ່ານຕ້ອງຫາມາຫຼິ້ນໃຫ້ໄດ້ ບອກໄດ້ເລີຍວ່າບໍ່ຜິດຫວັງແນ່ນອນ. ເຊິ່ງຕົວເກມໃນພາກນີ້ຈະຍັງຄົງຈຸດເດັ່ນໃນເລື່ອງຂອງເກມເພຼສຸດມັນ ແລະ ເນື້ອເລື່ອງທີ່ໜ້າຕິດຕາມຢູ່ເຊັ່ນເຄີຍ.


South Park: The Fractured But Whole

ແພຼດຟອມ: Nintendo Switch

ວາງຈຳໜ່າຍ: 24 ເມສາ 2018

ນັບວ່າເປັນເກມທີ່ນຳສະເໜີເນື້ອເລື່ອງ ແລະ ຮູບແບບການຫຼິ້ນທີ່ຄ່ອນຂ້າງແຫວກແນວ ແລະ ຫຼູດໂລກຫຼາຍ ແຕ່ຕົວເກມກໍ່ຍັງມີມຸກຕະຫຼົກ ຫຼື ມຸກຮາໆແຝງໄວ້ໃນຕົວເກມຢູ່ສະເໝີ. ກໍ່ເປັນອີກເກມໜຶ່ງທີ່ຊາວເກມ Nintendo Switch  ຕ້ອງລອງຫຼິ້ນ.


source: gamespot.com / ທີ່ມາ onlinestation

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here