ອີກບໍ່ຈັກມື້ເກມ Farcry 5 ກໍ່ຈະອອກວາງຂາຍແລ້ວ ແລະ ນອກຈາກເກມຫຼັກທີ່ພາກນີ້ຍັງຄົງເນື້ອຫາເຂັ້ມຂົ້ນຄືເກົ່າແລ້ວ ຍັງໄດ້ເພີ່ມໂໝດພິເສດເຂົ້າມາອີກຫຼາຍ ແລະ ກ່ອນວາງຂາຍຄ່າຍ Ubi Soft ໄດ້ເປີດຕົວຢ່າງໃໝ່ພ້ອມຄຼິບແນະນຳໂໝດ ອາເຂດ ທີ່ຈະເພີ່ມຕື່ມມາໃນພາກນີ້.

ສ່ວນຂໍ້ມູນຂອງ season pass ຈະມີສາກທີ່ເຮົາຈະໄດ້ຮັບບົດທະຫານໃນສົງຄາມວຽດນາມເຊິ່ງເຮົາຈະສູ້ກັບທະຫານວຽດນາມ ແລະ ຍັງມີໂໝດ Dead Living Zombies ທີ່ເຮົາຕ້ອງຕໍ່ສູ້ກັບກອງທັບຊອມບີ້ ແລະ ປິດທ້າຍກັບ Lost on Mars ທີ່ມີສາກຫຼັງເປັນດາວອັງຄານ.

ສ່ວນໂໝດ Far Cry Arcade ຖືເປັນໄຮໄລ ເພາະເປັນໂໝດຫຼິ້ນກັບໝູ່ຜ່ານລະບົບອອນໄລນ໌ທີ່ເຮົາສາມາດປັບແຕ່ງໄດ້ ທີ່ນອກຈາກຈະມີອຸປະກອນຈາກເກມ Farcry ພາກເກົ່າແລ້ວ ຈະມີຂອງຕົກແຕ່ງຈາກເກມຂອງຄ່າຍ Ubi Soft ນຳເຊັ່ນຈາກເກມ Assassin’s Creed 4: Black Flag , Assassin’s Creed Unity, ແລະ ເກມ Watch Dogs ທີ່ປັບແຕ່ງໄດ້ທັງໃນໂໝດການຫຼິ້ນແບບ solo, co-op, ແລະ player-VS-player multiplayer. ເອີ້ນວ່າການມາຂອງພາກນີ້ແມ່ນຄຸ້ມຄ່າສຸດໆ.

ເກມ Far Cry 5 ວາງຂາຍ 27 ມີນາ 2018 ເທິງ PS4 , XboxOne ແລະ PC.


ອ້າງອີງ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here