Funcom ຈັບມື The Bearded Ladies ອະດີດທີມພັດທະນາຜູ້ຢູ່ເບື້ອງຫຼັງເກມດັງ Hitman ແລະ Payday ຜະນຶກລວມທີມພັດທະນາເກມ tactical adventure ພາຍໃຕ້ຊື່ Mutant Year Zero: Road To Eden ເກມທີ່ມີຈຸດເດັ່ນຮູບແບບການຫຼິ້ນແບບ XCOM ການຕໍ່ສູ້ເຊີງກົນລະຍຸດນາທີຕໍ່ນາທີ ແລະ ການສຳຫຼວດພື້ນທີ່ເພື່ອຊິງຄວາມໄດ້ປຽບທາງການຮົບ.

Mutant Year Zero: Road To Eden ວ່າດ້ວຍເນື້ອເລື່ອງຈຸຈົບຂອງໂລກທີ່ຂື້ນກັບເວລາເທົ່ານັ້ນ ເກີດການປ່ຽນແປງຂອງສະພາບພູມອາກາດຢ່າງຮຸນແຮງ, ວິກິດການເສດຖະກິດໂລກ, ເກີດໂລກລະບາດຮ້າຍແຮງທົ່ວໄປ ແລະ ຄວາມຕຶງຄຽດລະຫວ່າງມະນຸດ ແລະ ພວກກາຍພັນ. ນີ້ແມ່ນຄັ້ງທຳອິດຕັ້ງແຕ່ປີ 1945 ທີ່ອາວຸດນິວເຄຼຍຖືກນຳກັບມາໃຊ້ໃນສະໜາມຮົບອີກຄັ້ງ, ຄວາມຮຸນແຮງເກີດໄປທົ່ວທຸກທີ່.

ມະນຸດທັງໝົດຖືກຂັບໄລ່ ແລະ ຖືກແທນທີ່ດ້ວຍອາລິຍະທຳຂອງມະນຸດກາຍພັນ ຮິວເມັນນອຍທີ່ຜິດພາດ ແລະ ສັດກາຍພັນຕ້ອງອອກຄົ້ນຫາທາງເອົາຊີວິດຫຼອດເທິງໂລກແຫ່ງນີ້, ທ່ານ ແລະ ໝູ່ຂອງທ່ານຈະຕ້ອງອອກສຳຫຼວດພື້ນທີ່ຕ່າງໆ ບາງທີມື້ໜຶ່ງທ່ານອາດຈະພົບກັບດິນແດນໃນຕຳນານ ຫຼື ວັດຖຸບູຮານທີ່ມາຈາກສວງສະຫວັນ ນີ້ແມ່ນເລື່ອງລາວການຜະຈົນໄພທີ່ທ່ານເປັນຄົນກຳນົດ, ບາງເທື່ອທ່ານອາດຈະພົບກັບຄຳຕອບທີ່ກຳລັງຕາມຫາ.

”ເປົ້າໝາຍຂອງເຮົາຄືການສ້າງເກມທີ່ມີຮູບແບບການຫຼິ້ນແບບ XCOM ໂດຍມີເລື່ອງລາວໃຫ້ທ່ານໄດ້ສຳຫຼວດປ່າ ແລະ ເມືອງຮົກຮ້າງໄປພ້ອມກັບທີມມະນຸດກາຍພັນຂອງທ່ານ“ Ulf Andersson ຜູ້ຢູ່ເບື້ອງຫຼັງການອອກແບບເກມ Ghost Recon: Advanced Warfighter, Payday ແລະ Payday 2 ກ່າວ. ແຖມຮູບແບບການຫຼິ້ນຍັງເປັນແບບນາທີຕໍ່ນາທີ ທ່ານຈະຕ້ອງປັບປ່ຽນຮູບແບບການຫຼິ້ນໄປຕາມສະຖານະການຕ່າງໆ ພ້ອມກັບການສຳຫຼວດ.

Mutant Year Zero: Road To Eden ເຜີຍຕົວຢ່າງທຳອິດ ແລະ ທາງຄ່າຍຜູ້ພັດທະນາມີແຜນວາງຈຳໜ່າຍປີນີ້ແນ່ນອນ. ຈະລົງໃຫ້ກັບ Playstation 4, Xbox One เเละ PC.


ອ້າງອີງ pcgamer, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here