ມີຂ່າວລືວ່າ Microsoft ສົນໃຈຈະຊື້ຄ່າຍເກມ EA ອອກມາຈາກບົດຄວາມໜຶ່ງຂອງເວັບ Polygon, ເຊີ່ງໄດ້ມີການລະບຸວ່າ Microsoft ໄດ້ມີຄວາມພະຍາຍາມໃນການດຶງເກມດັງໆມາອອກສະເພາະເທິງ Xbox ຫຼາຍຂື້ນ ເຊີ່ງການຊື້ຄ່າຍເກມອາດເປັນຄຳຕອບ ເຊີ່ງຄ່າຍເກມທີ່ມີການກ່າວເຖິງກໍ່ມີທັງ Valve, PUBG Corp ແລະElectronic Arts !!

ໂດຍໃນບົດຄວາມມີແຫຼ່ງຂໍ້ມູນທີ່ເຊື່ອຖືໄດ້ລະບຸວ່າ Microsoft ໄດ້ມີການເວົ້າເມື່ອໄວໆນີ້ກ່ຽວກັບຂັ້ນຕອນທີ່ຈະນຳໄປສູ່ການຄວບລວມກິດຈະການກັບຄ່າຍ EA ເພາະຫາກເບິ່ງລາຍຊື່ເກມທີ່ຈະອອກໃນປີ 2018 ເກມທີ່ອອກສະເພາະ XboxOne ມີຈຳນວນນ້ອຍກວ່າ PS4 ຫຼາຍເຕີບ ບວກກັບແຕ່ລະເກມຍັງບໍ່ດຶງດູດໃຫ້ແຟນເກມຕ້ອງເສຍເງິນຊື້ ແລະ ສ່ວນຫຼາຍເກມດັງໆກໍ່ຈະອອກວາງຂາຍທັງເທິງ PS4 ແລະ XboxOne ເຮັດໃຫ້ເຊື່ອວ່າ Microsoft ຕ້ອງເຮັດທຸກວິທີທາງເພື່ອໃຫ້ Xbox ຂາຍໄດ້.

ເຊີ່ງຫາກເບິ່ງຄວາມເປັນໄປໄດ້ໃນການເຂົ້າຊື້ກິດຈະການຄ່າຍ EA ຂອງ Microsoft ໂດຍເມື່ອທຽບກັບມູນຄ່າລວມທັງສອງຄ່າຍບົດຄວາມນີ້ຊີ້ໃຫ້ເຫັນວ່າ Microsoft ມີເງິນປະມານ 130,000 ລ້ານຫຼຽນ, ສ່ວນມູນຄ່າຂອງຄ່າຍ EA ມີປະມານ 35,000 ລ້ານຫຼຽນ.

ຢ່າງໃດກໍ່ຕາມຢ່າຟ້າວຄິດວ່າມັນຈະເກີດຂື້ນໄດ້ງ່າຍໆ ເພາະເຊື່ອວ່າທາງ Microsoft ອາດຈະຕ້ອງການພຽງແຕ່ເກມທີ່ຂາຍດີສຸດໆຂອງຄ່າຍ EA ແບບ ຊີຣີສ Madden ແລະ FIFA ພ້ອທກັບໂຄງການຕ່າງໆທີ່ຈະອອກໃນອະນາຄົດເຊັ່ນ Anthem ຂອງ BioWare ທີ່ຈະວາງຂາຍໃນປີ 2019, ແຕ່ Microsoft ຕ້ອງໝັ່ນໃຈວ່າຄວາມດັງຂອງເກມ Madden ແລະ ເກມອື່ນໆຂອງຄ່າຍ EA ຈະເຮັດໃຫ້ຄໍເກມທີ່ຍັງບໍ່ມີ XboxOne ຍອມເສຍເງິນຫັນມາຊື້ເຄື່ອງໄປຫຼິ້ນເກມ EA ເພາະຕາມທິດສະດີແລ້ວເຖິງແມ່ນວ່າມັນຈະຊ່ວຍເພີ່ມມູນຄ່າທາງການຕະຫຼາດຂອງ Xbox ເພີ່ມຂື້ນ ແຕ່ຫາກເບິ່ງວ່າຕ້ອງຊື້ຄ່າຍເກມທັງຄ່າຍອາດຈະຍັງບໍ່ຄຸ້ມ ເພາະຄ່າຍ EA ຖືວ່າມີມູນຄ່າທີ່ສູງຫຼາຍ.

ດັ່ງນັ້ນຄວາມເປັນໄປໄດ້ໃນການຊື້ຄ່າຍໃນເກມເທື່ອນີ້ຈຶ່ງຕົກເປັນຂອງ PUBG Corp ເປັນທາງເລືອກໃນການຊື້ກິດຈະການທີ່ມີໂອກາດຫຼາຍທີ່ສຸດ ເພາະຕອນນີ້ເກມ PUBG ອອກເທິງຄອນໂຊສະເພາະ Xboxone ແບບຊົ່ວຄາວ ເພາະເຊື່ອວ່າຄ່າຍ PUBG Corp ມີແຜນທີ່ຈະວາງຂາຍເກມເທິງເຄື່ອງອື່ນນຳ. ເນື່ອງຈາກຄວາມສຳເລັດຂອງ PUBG ເທິງ XBoxOne ທີ່ຂາຍດີທະຫຼົ່ມທະລາຍເຊື່ອວ່າ Microsoft ຈະບໍ່ປ່ອຍໃຫ້ມັນໄປອອກເທິງເຄື່ອງອື່ນແນ່ນອນ ແລະ ອາດລົງເອີຍທີ່ການຊື້ທັງຄ່າຍເລີຍກໍ່ເປັນໄປໄດ້.

ອ້າງອີງ denofgeek / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here