20th Century Fox ໄດ້ປະກາດສ້າງ The Predator ເມື່ອຊ່ວງຊຳເມີ (ລະດູຮ້ອນ) ປີ 2014 ທີ່ຜ່ານມາ ໂດຍການສ້າງໄດ້ດຳເນີນມາເກືອບແລ້ວໆ ແລະ ນີ້ແມ່ນຄວາມຄືບໜ້າຫຼ້າສຸດຂອງແຟຣນໄຊ Predator ໃນຕຳນານ.

20th Century Fox ໄດ້ປະກາດວ່າ The Predator ຈະເຂົ້ສວສາຍໃນວັນທີ່ 14 ກັນຍາ 2018 ເຊິ່ງເປັນຊ່ວງທີ່ບໍ່ມີຮູບເງົາບຼອກບັສເຕີຟອມຍັກມາສາຍຕຳກັນເທົ່າໃດ ແລະ ເປັນໂອກາດອັນດີທີ່ The Predator ຈະສາມາດເອີ້ນສຽງສັດທາຈາກແຟນໆ ທັງເກົ່າ ແລະ ໃໝ່ໄດ້ບໍ່ຍາກສ່ຳໃດ.

ສຳຫຼັບຄູ່ແຂ່ງນັ້ນມີພຽງແຕ່ Fighting With my Family ເຊີ່ງນຳສະແດງໂດຍ ລີນ່າ ເຮດດີ້, ດະເວນ ເດີ ຣັອກ ຈອນສັນ, ແລະ ວິນ ວອນ ເທົ່ານັ້ນທີ່ສາຍກົງກັນ.

ຈະໄດ້ເຣດເທົ່າໃດ?

ຮູບເງົາທຸກພາກໃນແຟຣນໄຊ Predator ຕ່າງໄດ້ຮັບເຣດ R ຈາກຄວາມຮຸນແຮງສູງ ບໍ່ວ່າຈະເປັນ Predator, Predator 2, Alien vs Predator: Requiem ແລະ Predators ຈະມີກໍ່ພຽງແຕ່ Alien vs Predator ເທົ່ານັ້ນທີ່ໄດ້ເຣດ PG-13

ແລະ ສຳລັບ The Predator ນັ້ນ ເຊນ ແບຼກ ຜູ້ກຳກັບ/ຂຽນບົດ ກໍ່ກ່າວໄວ້ຊັດເຈນແລ້ວວ່າ “ເຣດ PG-13 ແມ່ນເປັນໜັງສຳລັບເດັກ ແຕ່ນີ້ມັນເລືອດສາດກວ່າຫຼາຍ”.

ເນື້ອເລື່ອງຈະກ່ຽວກັບຫຍັງ?

The Predator ຈະເດີນເລື່ອງໃນຍຸກປັດຈຸບັນ ຄືປີ 2018 ແລະ ຈະມີຄວາມຄ້າຍຄືກັບ Predator ຕົ້ນສະບັບ ຄືມີທະຫານເປັນຕົວລະຄອນຫຼັກ.

ສຳລັບເນື້ອເລື່ອງຄ່າວໆນັ້ນແມ່ນກ່ຽວກັບ Quinn McKenna (ຮັບບົດໂດຍ ບອຍ ໂຮນບຼຸກ) ອະດີດນາວິກໂຍທິນໄດ້ຄົ້ນພົບວ່າມີ Predator ຢູ່ເທິງໂລກ ແຕ່ບໍ່ມີໃຜເຊື່ອລາວ ແລະ ນັ້ນເຮັດໃຫ້ລາວຕ້ອງພະຍາຍາມພິສູດມັນ ລວມເຖິງການລວມທີມທີ່ຈະມາຊ່ວຍລາວນຳ.


ອ້າງອີງ cinemablend, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here