Universal ໄດ້ປ່ອຍຕົວຢ່າງ 3 ແລະ ເປັນຕົວຢ່າງສຸດທ້າຍຂອງ Jurassic world: Fallen Kingdom ເຊີ່ງຍົກລະດັບເນື້ອເລື່ອງ ແລະ ໄດໂນເສົາໄປໄກຍິ່ງກວ່າ Jurassic World

ປລ. Jurassic World (2015) ຜົນງານກຳກັບຂອງ ໂຄລິນ ເທຣວໍໂຣ ເປັນການຂະຫຍາຍແຟຣນໄຊ Jurassic Park ເຊິ່ງຍັງຄົງໄດ້ ສະຕີເວນ ສປີລເບີກ ເປັນຜູ້ອຳນວຍການສ້າງເຊັ່ນເດີມ ສ້າງລາຍໄດ້ທົ່ວໂລກໄປຢ່າງມະຫາສານເຖິງ 1.6 ພັນລ້ານຫຼຽນ ແລະ ທຳລາຍສະຖິຕິຕ່າງໆລົງໄປຢ່າງຫຼວງຫຼາຍ.

ຕົວຢ່າງດັ່ງກ່າວໄດ້ມີການເປີດເຜີຍເນື້ອເລື່ອງຫຼັກ ເມື່ອ Eli Mills (ຮັບບົດໂດຍ ເຣຟ ສະປອນ) ໄດ້ຊ່ວຍ Claire (ຮັບບົດ ໂດຍ ໄບ ດັນລັສ ຮາວເວິກ) ໃນການອົບພະຍົບໄດໂນເສົາອອກຈາກເກາະກ່ອນທີ່ພູເຂົາໄຟຈະລະເບີດ ແລະ ຖີ້ມ Jurassic World ເອົາໄວ້ຂ້າງຫຼັງ.

ແຕ່ກັບກາຍເປັນວ່າ Eli Mills ມີແຜນຈະນຳໄດໂນເສົາເຫຼົ່ານີ້ມາເປີດປະມູນ ແລະ ຕ້ອງການນຳ Blue ເຊິ່ງເປັນແຣັບເຕີທີ່ Owen (ຮັບບາດໂດຍ ຄຣິສ ແພ໊ຣດ) ເຄີຍລ້ຽງ ແລະ ເຝິກໄວ້ມາໃຊ້ເປັນຕົວຢ່າງໃຫ້ເຫັນວ່າ ໄດໂນເສົາເຫຼົ່ານີ້ສາມາດຖືກຄວບຄຸມໄດ້.

ຫຼັງຈາກນັ້ນກໍ່ຕາມມາກັບເຫຼົ່າໄດໂນເສົາທີ່ຫຼູດອອກມາ ລວມເຖິງໄດໂນເສົາພັນໃໝ່ທີ່ຜູ້ຮັບຊົມຍັງບໍ່ເຄີຍເຫັນ (ຊັດໆ) ແລະ ການລວມທີມກັນລະຫວ່າງ Owen ແລະ Blue ເພື່ອຕໍ່ສູ້ກັບໄດໂນເສົາຕົວອື່ນ ແລະ ຢຸດຍັ້ງແຜນການຮ້າຍນີ້ໃຫ້ໄດ້.

ຈາກຄວາມສຳເລັດຂອງ Jurassic World ໃນປີ 2015 ໄດ້ເປັນການເປີດປະຕູບານໃຫຍ່ໃຫ້ແຟຣນໄຊ Jurassic Park ໄດ້ຂະຫຍາຍເນື້ອເລື່ອງອອກມາສູ່ໂລກພາຍນອກຫຼາຍຂື້ນ ເຊິ່ງເປັນຕາສົນໃຈຫຼາຍກວ່າຜູ້ກຳກັບ ເຈ ເອ ບາໂຍນາ (The Impossible) ຈະນຳສະເໜີ Jurassic World: Fallen Kingdom ອອກມາຢ່າງໃດ.

ປິດທ້າຍດ້ວຍວະລີເດັດຂອງ Dr. Ian Mulcolm (ຮັບບົດໂດຍ ເຈຟ ໂກລບຼຸມ) ດັ່ງນີ້:

“ເຈົ້າພວກນີ້ຢູ່ມາກ່ອນເຮົາເກີດ ແລ້ວຖ້າເຮົາບໍ່ລະວັງ ມັນຈະຢູ່ຫຼັງຈາກເຮົາຕາຍ ຍິນດີຕ້ອນຮັບສູ່ ຈູຣາສສິກ ເວີ”

Jurassic World: Fallen Kingdom ມີກຳໜົດສາຍໃນ ວັນທີ່ 7 ມິຖຸນາ 2018 ນີ້.


ອ້າງອີງ screenrant, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here