ຫຼັງຈາກຕ້ອງພັກຮັກສາໂຕໄປເມື່ອເດືອນ ສິງຫາ ປີ 2017 ທີ່ຜ່ານມາ ເນື່ອງຈາກປະສົບອຸປະຕິເຫດໃນການສະແດງສາກສ່ຽງຕາຍດ້ວຍໂຕເອງຈົນເປັນເຫດໃຫ້ “ຂໍ້ຕີນຫັກ”, ຢ່າງໃດກໍ່ຕາມ ທອມ ຄຣຸສ ກໍ່ໄດ້ກັບມາຖ່າຍທຳ Mission: Impossible 6 ອີກຄັ້ງ ໂດຍຍັງມຸ່ງໝັ່ນໃນສະແດງສາກສະຕັ໊ນສ່ຽງຕາຍດ້ວຍໂຕເອງຄືເກົ່າ

ຫຼ້າສຸດລາວໄດ້ໂພສຮູບສາກສະຕັ໋ນຂອງລາວເທິງ ເຮລີຄອບເຕີ ແລະ ສາກໂດດຂ້າມຕຶກອັນລືຫຼັ່ນ ເຊີ່ງເປັນເຫດໃຫ້ຂໍ້ຕິນຂອງລາວຫັກເມື່ອເດືອນສິງຫາທີ່ຜ່ານມາ ຜ່ານທາງສື່ໂຊຊ໋ຽວ, ໂດຍໄດ້ເປີດເຜີຍຊື່ຈີງຂອງປະຕິບັດການສາຍລັບພາກຫຼ້າສຸດນີ້ຄື Mission: Impossible – Fallout

ບໍ່ພຽງແຕ່ເທົ່ານັ້ນ ທອມ ຄຣຸສ ຍັງໄດ້ນຳຟຸດເທຈ(ສາກສັ້ນໆ)ທີ່ລາວໂດດຂ້າມຕຶກອັນລືຫຼັ່ນ ເຊີ່ງເປັນສາກທີ່ລາວແລ່ນໄຫຼ່ຕາມ ເຮັນຣີ ແຄວິນ (ຮັບບົດເປັນໂຕຮ້າຍໃນພາກນີ້) ມາເປີດໃນລາຍການ The Graham Norton Show ເມື່ອອາທິດກ່ອນຢ່າງໝົດເປືອກທຸກມຸມມອງ ເຊີ່ງລວມຮອດມຸມມອງດ້ານຂ້າງເຊີ່ງສະແດງໃຫ້ເຫັນວ່າຂໍ້ຕິນຂອງລາວ “ຫັກ” ໄດ້ຈັ່ງໃດ.

ສິ່ງທີ່ເປັນຕາຊື່ນຊົມກໍ່ຄື ທອມ ຄຣຸສ ຍັງຄົງດຶງໂຕເອງຂື້ນຈາກຂອບຕຶກ ຫຼັງຈາກທີ່ຂໍ້ຕິນຂອງລາວຫັກແລ້ວ ແລະ ພະຍາຍາມປະຄອງຕົນເອງຜ່ານກ້ອງໄປຈົນຈົບ ເຊີ່ງເປັນການສະແດງໃຫ້ເຫັນສະປີຣິດນັກສະແດງທີ່ມີຢູ່ຢ່າງເຕັມປ່ຽມ

Mission: Impossible – Fallout ມີກຳນົດສາຍ 27 ກໍລະກົດ 2018


ອ້າງອີງ screenrant / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here